പാലാ :അന്തീനാട് ശ്രീ മഹാദേവ ക്ഷേത്രത്തിലെ 2024 വർഷത്തെ ശ്രീമദ് ഭാഗവത സപ്താഹ യജ്ഞം ഈ വരുന്ന ഒക്ടോബർ 6 മുതൽ 13 വരെ നടത്തപ്പെടുന്നു. ഗുരുവായൂർ മുൻ മേൽശാന്തിയും പ്രശസ്ത ഭാഗവത ആചാര്യനുമായ ബ്രഹ്മശ്രീ മൂർക്കന്നൂർ ശ്രീഹരി നമ്പൂതിരി ആണ് യജ്ഞാചര്യൻ.
യജ്ഞത്തിൻ്റെ ആദ്യ ദിനമായ ഒക്ടോബർ 6 ന് രാവിലെ കലവറ നിറയ്ക്കൽ വൈകിട്ട് 6.30 ന് ഗുരുവായൂർ മുൻ മേൽശാന്തി ബ്രഹ്മശ്രീ തോട്ടം ശിവകരൻ നമ്പൂതിരി ദീപപ്രോജ്ജ്വലനവും അനുഗ്രഹ പ്രഭാഷണവും നടത്തും. ഒക്ടോബർ 10 ന് ശ്രീകൃഷ്ണ അവതാരം. 11 ന് രുഗ്മിണീ സ്വയവരം, 13 ഞായറാഴ്ച സമാപനം മഹാപ്രസാദഊട്ട്.
