Kerala
കൊച്ചിയില്‍ വാട്ടര്‍മെട്രോ ബോട്ടുകള്‍ കൂട്ടിയിടിച്ചു; യാത്രക്കാര്‍ പരിഭ്രാന്തരായി
കൊച്ചിയില്‍ വാട്ടര്‍ മെട്രോ ബോട്ടുകള്‍ തമ്മില്‍ കൂട്ടിയിടിച്ചത് പരിഭ്രാന്തി പരത്തി. ഇന്ന് ഉച്ചയ്ക്കാണ് സംഭവം. ഫോര്ട്ട് കൊച്ചിയിലാണ് ബോട്ടുകള്‍ കൂട്ടിയിടിച്ചത്.
നാട്ടുകാരായ യാത്രക്കാരാണ് ബോട്ടുകളില്‍ ഉണ്ടായിരുന്നത്. ഫോര്ട്ട് കൊച്ചിയില്‍ നിന്നും വന്ന ബോട്ടും ഹൈക്കോടതി ഭാഗത്ത് നിന്നും വന്ന ബോട്ടുമാണ് കൂട്ടിയിടിച്ചത്.
കൂട്ടിയിടിച്ചപ്പോള്‍ ഉടന്‍ തന്നെ ബോട്ടിലെ അലാറം മുഴങ്ങി. വാല്‍വുകള്‍ തുറക്കുകയും ചെയ്തു. ഇതോടെ യാത്രക്കാര്‍ ഭയന്ന് ബഹളം വച്ചു. ഫോര്ട്ട് കൊച്ചിയില്‍ നിന്നും പുറപ്പെട്ട ബോട്ട് 50 മീറ്റര്‍ കഴിഞ്ഞപ്പോഴാണ് കുട്ടിയിടി ഉണ്ടായത്. ആര്‍ക്കും പരുക്ക് പറ്റിയിട്ടില്ല. വലിയ അപകടമാണ് ഒഴിഞ്ഞുപോയത്.