India
രാമപ്രതിഷ്ഠയിൽ ആശംസ നേര്‍ന്ന് ദക്ഷിണാഫ്രിക്കന്‍ ക്രിക്കറ്റ് താരം
ജോഹന്നാസ്ബര്‍ഗ്: അയോധ്യയില്‍ രാമപ്രതിഷ്ഠ നടക്കുന്ന സാഹചര്യത്തില്‍ ഇന്ത്യയിലെ ജനങ്ങള്‍ക്ക് ആശംസ നേര്‍ന്ന് ദക്ഷിണാഫ്രിക്കന്‍ ക്രിക്കറ്റ് താരം. സ്പിന്നര്‍ കേശവ് മഹാരാജ് ആണ് ഇന്ത്യക്കാര്‍ക്ക് ആശംസ നേര്‍ന്നത്.
അയോധ്യ രാമക്ഷേത്ത്രതില്‍ പ്രാണപ്രതിഷ്ഠ നടക്കുന്ന വേളയില്‍ എല്ലാ ഇന്ത്യാക്കാര്‍ക്കും ആശംസകള്‍ നേരുന്നു. ഇന്ത്യയിലെ എല്ലാവര്‍ക്കും സമാധാനവും ശാന്തിയും ആത്മീയ പ്രബുദ്ധതയും നല്‍കട്ടെ. ജയ് ശ്രീ റാം. കേശവ് മഹാരാജ് ഇന്‍സ്റ്റഗ്രാമില്‍ കുറിച്ചു.
ഈ മാസം ആദ്യം, ഇന്ത്യയ്ക്കെതിരായ രണ്ടാം ടെസ്റ്റിനിടെ ബാറ്റ് ചെയ്യാനെത്തിയപ്പോള്‍, ‘റാം സിയ റാം ജയ് ജയ് റാം’ എന്ന ഗാനം പ്ലേ ചെയ്യാന്‍ കേശവ് മഹാരാജ് ഡിജെയോട് അഭ്യര്‍ത്ഥിച്ചത് വാര്‍ത്തയായിരുന്നു. അയോധ്യയിലെ രാമപ്രതിഷ്ഠാ ചടങ്ങില്‍ സച്ചിന്‍, ധോണി, കോഹ് ലി അടക്കം നിരവധി പ്രമുഖ കളിക്കാര്‍ക്ക് ക്ഷണമുണ്ട്.