Kerala
പി ജയരാജന്റെ പുസ്തകം സിപിഐഎമ്മിന്റെ തിരക്കഥ; ന്യൂനപക്ഷങ്ങളെ കോര്‍ണര്‍ ചെയ്യുന്നു: പി കെ ഫിറോസ്
പാലക്കാട്: മുതിര്‍ന്ന സിപിഐഎം നേതാവ് പി ജയരാജന്റെ പ്രകാശനം ചെയ്ത പുസ്തകം സിപിഐഎമ്മിന്റെ തിരക്കഥയെന്ന് യൂത്ത് ലീഗ് ജനറല്‍ സെക്രട്ടറി പി കെ ഫിറോസ്. ഒരു സമുദായത്തേയും സമൂഹത്തേയും പുസ്തകത്തില്‍ ആക്ഷേപിക്കുന്നു. പി ആര്‍ ഏജന്‍സിയുടെ തിരക്കഥയാണ് സിപിഐഎമ്മിനെ നയിക്കുന്നതെന്നും പി കെ ഫിറോസ് പറഞ്ഞു.
പുസ്തകവും മുഖ്യമന്ത്രിയുടെ അഭിമുഖവും ഒത്തുകളിയാണ്. വര്‍ഗീയ ധ്രുവീകരണമാണ് സിപിഐഎം ലക്ഷ്യമിടുന്നത്. ന്യൂനപക്ഷത്തെ കോര്‍ണര്‍ ചെയ്യുകയാണെന്നും പി കെ ഫിറോസ് ആരോപിച്ചു. ഈ നാടകം കേരളത്തില്‍ വില പോകില്ല. ഇക്കാര്യം ഉപതിരഞ്ഞെടുപ്പോടെ സിപിഐഎമ്മിന് ബോധ്യമാകും എന്നും പി കെ ഫിറോസ് കൂട്ടിച്ചേര്‍ത്തു.