Kerala
കരുനാഗപ്പള്ളിയിലെ പെട്രോള്‍ പമ്പില്‍ കാറുമായി യുവാവിൻ്റെ അഭ്യാസ പ്രകടനം
കരുനാഗപ്പള്ളി: കൊല്ലം കരുനാഗപ്പള്ളി വവ്വാക്കാവിലെ പെട്രോള്‍ പമ്പില്‍ കാറുമായി യുവാവിൻ്റെ അഭ്യാസ പ്രകടനം. കഴിഞ്ഞ ശനിയാഴ്ചയാണ് പമ്പിനുള്ളില്‍ കാർ വട്ടം കറക്കി യുവാവ് പരിഭ്രാന്തി പരത്തിയത്.
പെട്രോള്‍ അടിക്കാനെത്തിയ യാത്രക്കാരും ജീവനക്കാരുമടക്കം നിരവധി പേർ പമ്പില്‍ ഉണ്ടായിരുന്ന സമയത്തായിരന്നു യുവാവിന്‍റെ പരാക്രമം. ഹോണ്‍ മുഴക്കിക്കൊണ്ട് കാർ പമ്പിനുള്ളില്‍ അപകടരനായ രീതിയില്‍ വട്ടം ചുറ്റുകയായിരുന്നു.
തുടർന്ന് യുവാവ് പമ്പില്‍ നിന്നും വേഗത്തില്‍ ഓടിച്ച്‌ രക്ഷപ്പെട്ടു. നീല നിറത്തിലുള്ള മാരുതി ആള്‍ട്ടോ കാറിലെത്തിയ യുവാവാണ് പെട്രോള്‍ പമ്പിനുള്ളില്‍ കുറച്ച്‌ നേരത്തേക്ക് ഭീതി നിറച്ചത്. സംഭവത്തിന്‍റെ വീഡിയോ പുറത്ത് വന്നിട്ടുണ്ട്. കാറില്‍ ഇന്ധനം നിറച്ചശേഷമാണ് യുവാവ് കാറുമായി പമ്പില്‍ വട്ടംചുറ്റിയത്.