Kerala
മഞ്ചേശ്വരത്ത് പ്ലൈവുഡ് ഫാക്ടറിയിൽ വൻ തീപ്പിടിത്തം
മഞ്ചേശ്വരം ഹൊസങ്കടിയില്‍ പ്ലൈവുഡ് ഫാക്ടറിയില്‍ വന്‍ തീപ്പിടിത്തം. വെള്ളിയാഴ്ച രാത്രി 8.30ഓടെയാണ് ഹൊസങ്കടി ബേക്കറി ജംഗ്ഷനിലെ ഫാറൂഖ് സോമില്‍ പ്ലൈവുഡ് ഫാക്ടറിക്ക് തീ പിടിച്ചത്. നാല് ഫയര്‍ സ്റ്റേഷനില്‍ നിന്നുള്ള ഫയര്‍ എഞ്ചിനുകള്‍ രാത്രി വൈകിയും എത്തിച്ച് തീയണക്കുകയാണ്.
ഷോട്ട് സര്‍ക്യൂട്ട് ആകാം തീപ്പിടുത്തതിനുള്ള കാരണമെന്നാണ് സംശയിക്കുന്നത്.
കോടികളുടെ നഷ്ടം ഉണ്ടായിട്ടുണ്ടെന്നാണ് പ്രാഥമിക വിവരം. മഞ്ചേശ്വരം പൊലീസും സ്ഥലത്തെത്തിയിട്ടുണ്ട്. ഫാക്ടറിക്ക് ചുറ്റുമുള്ള ഒരു നാട് മുഴുവന്‍ കറുത്ത പുക നിറഞ്ഞിരിക്കുകയാണെന്ന് പ്രദേശവാസികള്‍ പറയുന്നു.