Kerala
ആകർഷിച്ചത് വെളള വസ്ത്രം; അതിനാൽ കോൺഗ്രസുകാരനാകാൻ ആഗ്രഹമുണ്ടെന്ന് എം മുകുന്ദൻ
കോഴിക്കോട്: കോൺഗ്രസുകാരുടെ വെളള വസ്ത്രം തന്നെ ആകർഷിക്കാറുണ്ടെന്നും അതിനാൽ കോൺഗ്രസുകാരനാകാൻ ആഗ്രഹമുണ്ടെന്നും എഴുത്തുകാരൻ എം മുകുന്ദൻ. കോഴിക്കോട് കെ പി കേശവമേനോന്‍ ഹാളില്‍ നടന്ന സുഭാഷ് ചന്ദ്രന്റെ പുസ്തക പ്രകാശനച്ചടങ്ങില്‍ സംസാരിക്കുകയായിരുന്നു അദ്ദേഹം.
കമ്യൂണിസ്റ്റ് നേതാക്കന്മാര്‍ വെള്ളവസ്ത്രം ധരിക്കാറില്ല. അവരെപ്പോഴും ക‌ടുത്ത നിറത്തിലുളള കുപ്പായങ്ങളാണ് ധരിക്കുന്നത്. കോൺഗ്രസുക്കാരെ എപ്പോഴും വെളള വസ്ത്രത്തിലാണ് കാണുന്നത്. അത് തന്നെ ആകർഷിക്കാറുണ്ട്. അതിനാൽ കോണ്‍ഗ്രസുകാരനാവാന്‍ ആഗ്രഹമുണ്ടെന്ന് എം മുകുന്ദൻ പറഞ്ഞു.