Kerala
ബില്ലുകളിൽ തീരുമാനമെടുക്കുന്നില്ല; രാഷ്ട്രപതിക്കെതിരെ സുപ്രീം കോടതിയില്‍ കേരളത്തിന്റെ അസാധാരണ നീക്കം
ഡൽഹി: നിയമസഭയിൽ പാസാക്കിയ ബില്ലുകളിൽ തീരുമാനമെടുക്കാത്തതിനെതിരെ സുപ്രീം കോടതിയില്‍ അസാധാരണ നീക്കം നടത്തി കേരളം. രാഷ്ട്രപതിയുടെ ഓഫീസിനെതിരെ കേരളം ഹര്‍ജി നൽകുകയായിരുന്നു. ഏഴ് ബില്ലുകളില്‍ രാഷ്ട്രപതി തീരുമാനമെടുത്തിട്ടില്ലെന്ന് കേരളം ഹർജിയിൽ പറയുന്നു. തീരുമാനമെടുക്കാന്‍ രാഷ്ട്രപതിയുടെ സെക്രട്ടറിക്ക് നിര്‍ദ്ദേശം നല്‍കണമെന്നും ആവശ്യപ്പെട്ടിട്ടുണ്ട്. രാഷ്ട്രപതിയുടെ സെക്രട്ടറിയെ കക്ഷി ചേര്‍ക്കണമെന്നാണ് കേരളത്തിന്റെ അപേക്ഷ.