Kerala
വേനല്‍ മഴ; ഏഴ് ജില്ലകളില്‍ ഉയര്‍ന്ന താപനില മുന്നറിയിപ്പ്
തിരുവനന്തപുരം: സംസ്ഥാനത്ത് കനത്ത ചൂടിന് ആശ്വാസമായി വേനല്‍ മഴ. വെള്ളിയാഴ്ച മിക്ക ജില്ലകളിലും ഒറ്റപ്പെട്ട മഴ ലഭിച്ചു. തിരുവനന്തപുരം, കൊല്ലം, ആലപ്പുഴ, കോട്ടയം ജില്ലകളില്‍ സാമാന്യം ഭേദപ്പെട്ട മഴ പെയ്തു. വടക്കന്‍ ജില്ലകളില്‍ മലയോര മേഖലകളിലും മഴ ലഭിച്ചു. ശനിയാഴ്ച കൂടി ഒറ്റപ്പെട്ട മഴ തുടര്‍ന്നേക്കും.
അതേസമയം, താപനില ഉയരാന്‍ സാധ്യതയുള്ളതിനാല്‍ ശനിയാഴ്ച എഴ് ജില്ലകളില്‍ മഞ്ഞ ആലര്‍ട്ടുണ്ട്. തൃശൂര്‍, പാലക്കാട് ജില്ലകളില്‍ 39 ഡിഗ്രി വരെയും കോഴിക്കോട് 38 ഡിഗ്രി വരെയും കൊല്ലം, ആലപ്പുഴ, കാസര്‍കോട് ജില്ലകളില്‍ 36 ഡിഗ്രി വരെയും താപനില ഉയര്‍ന്നേക്കാം.