Kerala
ഹജ്ജ് യാത്രാ നിരക്ക് വര്‍ധന; പ്രതിഷേധം ശക്തമാക്കി കോൺഗ്രസ്
മലപ്പുറം: കരിപ്പൂര്‍ വിമാനത്താവളത്തിലെ ഹജ്ജ് യാത്രാ നിരക്ക് വര്‍ധിപ്പിച്ചതില്‍ പ്രതിഷേധം ശക്തമാക്കാനൊരുങ്ങി കോൺഗ്രസ്. നൂറുകണക്കിന് പ്രവർത്തകരെ അണിനിരത്തി കരിപ്പൂർ എയർപോർട്ടിലേക്ക് ഇന്ന് കോൺഗ്രസ് മാർച്ച് നടത്തി. മലപ്പുറം ജില്ലാ കോൺഗ്രസ് കമ്മിറ്റിയുടെ നേതൃത്വത്തിലായിരുന്നു പ്രതിഷേധം.
എയർപോർട്ട് ജങ്ഷനിൽ നിന്ന് ആരംഭിച്ച മാർച്ച് നുഅമാൻ ജംഗ്ഷനിൽ വെച്ച് പോലീസ് തടഞ്ഞു. കരിപ്പൂരിലെ ഹജ്ജ് യാത്രികരുടെ വിമാന നിരക്കിലെ വർധന പൂർണമായും പിൻവലിക്കുന്നത് വരെ പ്രക്ഷോഭം തുടരാനാണ് കോൺഗ്രസ് തീരുമാനം. കണ്ണൂർ, കൊച്ചി വിമാനത്തവളങ്ങള്‍ക്ക് സമാനമായി കരിപ്പൂരിലെ യാത്രാ നിരക്കും ഏകീകരിക്കണമെന്ന് ആവശ്യം ഉയർത്തിയാണ് പ്രക്ഷോഭം സംഘടനകൾ തുടരുന്നത്.