Crime
ഭാര്യ തിരികെ എത്താന്‍ നാല് വയസുകാരിയെ ബലി നല്‍കാന്‍ ശ്രമിച്ചു
പിണങ്ങിപ്പോയ ഭാര്യയെ തിരികെ എത്തിക്കാന്‍ നാല് വയസുകാരിയെ ബലിയര്‍പ്പിക്കാന്‍ ശ്രമിച്ച യുവാവിന് പത്ത് വര്‍ഷം തടവ്. പതിനായിരം രൂപ പിഴയും വിധിച്ചിട്ടുണ്ട്. ബിഹാറിലെ നവാഡ ജില്ലയിലെ ധർമീന്ദർ സപേരയ്ക്കാണ് ശിക്ഷ വിധിച്ചത്.
ജാഗ്രോണിലെ തൊഴിലാളിയുടെ മകളെയാണ് ധർമീന്ദർ തട്ടിക്കൊണ്ടുപോയത്. സ്കൂളില്‍ നിന്നും വീട്ടിലെത്തി പുറത്ത് കളിക്കാന്‍ പോയ നാലുവയസുകാരിയെയാണ് കാണാതായത്. ഇതോടെ പിതാവ് പോലീസില്‍ പരാതി നല്‍കി. ഒരു അജ്ഞാതനെ വീട്ടിന് സമീപത്ത് കണ്ടതായും മൊഴി നല്‍കിയിരുന്നു. പോലീസ് സിസിടിവി ദൃശ്യങ്ങള്‍ പരിശോധിച്ചാണ് പ്രതിയെ തിരിച്ചറിഞ്ഞത്. നരബലിക്ക് പറ്റിയ സ്ഥലം അന്വേഷിക്കുന്നതിനിടെയാണ് ഇയാളെ പിടികൂടിയത്.