Kerala
കളളപ്പണത്തില്‍ കുരുക്കാനിറങ്ങി, സ്വയം കുടുങ്ങി സിപിഎം
പാലക്കാട് ഉതിരഞ്ഞെടുപ്പ് ഓരോ ദിവസവും സിപിഎമ്മിന് കൂടുതല്‍ വെല്ലുവിളിയായി കൊണ്ടിരിക്കുകയാണ്. നിലവില്‍ മൂന്നാം സ്ഥാനത്തുളള മണ്ഡലത്തില്‍ ജയത്തിനായി അരയും തലയും മുറുക്കിയാണ് സിപിഎം ഇറങ്ങിയിരിക്കുന്നത്. കോണ്‍ഗ്രസില്‍ നിന്ന് പിണങ്ങി ഇറങ്ങിയ പി സരിനെ സ്ഥാനാര്‍ഥിയാക്കി പരമാവധി വോട്ട് മറിക്കുക എന്നത് ലക്ഷ്യമിട്ടാണ് സിപിഎം തുടങ്ങിയത്. കടുത്ത ആവേശത്തിലുളള നീക്കങ്ങളാണ് പിന്നീടുള്ള ദിവസങ്ങളിലെല്ലാം കണ്ടത്.
എന്നാല്‍ ഈ ആവശം തന്നെ ഇപ്പോള്‍ സിപിഎമ്മിന് തലവേദനയായി മാറിയിരിക്കുകയാണ്. കോണ്‍ഗ്രസ് വനിതാ നേതാക്കളുടെ മുറിയിലടക്കം നടത്തിയ കള്ളപ്പണ റെയ്ഡില്‍ ഇപ്പോള്‍ സിപഎമ്മിനുള്ളില്‍ തന്നെ പ്രശ്‌നങ്ങളായിരിക്കുകയാണ്. സിപിഎം സംസ്ഥാന സമിതിയംഗം എന്‍എന്‍ കൃഷ്ണദാസാണ് ഈ വിഷയത്തില്‍ ആദ്യം എതിര്‍ സ്വരം ഉന്നയിച്ചത്. എന്നാല്‍ ഇത് കൃഷ്ണദാസിന്റെ മാത്രം അഭിപ്രായമല്ല. പാര്‍ട്ടിലെ പല മുതിര്‍ന്ന നേതാക്കള്‍ക്കും സമാനമായ അഭിപ്രായമുണ്ട്.
ഇതോടെയാണ് പാലക്കാട് സിപിഎമ്മിലെ സംഘടനാ പ്രശ്‌നങ്ങളും വ്യക്തമാകുന്നത്. മന്ത്രി എംബി രാജേഷ്, ഭാര്യാ സഹോദരനായ നിധിന്‍ കണിച്ചേരി എന്നിവരാണ് ഈ രാഷ്ട്രീയ നാടകത്തിന് പിന്നിലെന്ന് ആദ്യം മുതല്‍ ഉയരുന്ന ആരോപണമാണ്. ജില്ലാ സെക്രട്ടറിയെ ഒപ്പം നിര്‍ത്തി മന്ത്രി രാജേഷും സംഘവും നടത്തുന്ന ഈ നീക്കങ്ങളിലെ എതിര്‍പ്പാണ് ഇന്ന് പൊട്ടിത്തഎറിയുടെ രൂപത്തില്‍ പുറത്തുവന്നത്.