Kerala
രാമനും കദീജയും സംവിധായകന് ദിനേശന്‍ പൂച്ചക്കാടിന് വധഭീഷണി
രാമനും കദീജയും എന്ന സിനിമയുടെ സംവിധായകന് ദിനേശന്‍ പൂച്ചക്കാടിന് നേരെ വധഭീഷണി. ദിനേശന്‍ പൂച്ചക്കാട് തിരക്കഥയും സംവിധാനവും നിര്‍വ്വഹിച്ച സിനിമയാണ് രാമനും കദീജയും. ദുരഭിമാനപോരിനിടയില്‍ പെട്ടു പോകുന്ന പ്രണയിതാക്കളുടെ ജീവിതമാണ് ചിത്രത്തിലൂടെ പറയുന്നത്. സിനിമ റിലീസിങ്ങിനൊരുങ്ങി നില്‍ക്കുമ്പോഴാണ് സംവിധായകന് വധഭീഷണി നേരിടേണ്ടിവന്നിരിക്കുന്നത്.
കഴിഞ്ഞ ദിവസം വീട്ടിന്റെ വരാന്തയിലാണ് ഭീഷണി സന്ദേശം കൊണ്ടു വച്ചിരുന്നത്. സംഭവത്തില്‍ ബേക്കൽ പോലീസ് കേസ് രജിസ്റ്റര്‍ ചെയ്തു.സിനിമയുടെ പ്രമേയമാണ് വധഭീഷണിക്ക് കാരണമായത്. ചിത്രീകരണം തുടങ്ങിയത് മുതല്‍ നിരന്തരം വധ ഭീക്ഷണി മുഴക്കി നെറ്റ് കോളുകള്‍ വരാറുണ്ടായിരുന്നെന്നും അത് അവഗണിക്കുകയായിരുന്നെന്നും എന്നാല് വീട്ടില്‍ കത്ത് ലഭിച്ചതില്‍ ആശങ്കയുണ്ടെന്നും സംവിധാകന്‍ ദിനേശന്‍ പൂച്ചക്കാട് പറഞ്ഞു.