Kerala
മലയാളികളെ അധിക്ഷേപിക്കുന്ന പ്രസ്താവന, ബിജെപിക്ക് മലയാളികള്‍ വോട്ടിലൂടെ പകരം ചോദിക്കണം: ടി സിദ്ദിഖ്
കൊച്ചി: ബിജെപി മുക്ത ദക്ഷിണേന്ത്യ വൈകാതെ കാണാമെന്ന് ടി സിദ്ദിഖ് എംഎല്‍എ. കേന്ദ്ര മന്ത്രി ശോഭാ കരന്തലജെയുടെ വിദ്വേഷ പരാമര്‍ശത്തിലാണ് പ്രതികരണം. കേന്ദ്രമന്ത്രി ശോഭാ കരന്തലജെയെ വര്‍ഗീയത വിളമ്പാന്‍ രംഗത്തിറക്കിയ ബിജെപി, അവരുടെ നയം ഒരിക്കല്‍ക്കൂടി വ്യക്തമാക്കിയിരിക്കുകയാണ്. ഇത്തരം പ്രസ്താവന തിരഞ്ഞെടുപ്പിന് മുന്‍പായി സമൂഹത്തില്‍ വര്‍ഗീയ വിഭജനം നടത്തുന്നതിന് വേണ്ടിയുള്ളത് മാത്രമാണ്. ഇത് മതസൗഹാര്‍ദവും സമാധാനവും തകര്‍ക്കാന്‍ വേണ്ടിയുള്ളതാണെന്ന് ടി സിദ്ദിഖ് പറഞ്ഞു.