Kerala
പി എം ആര്‍ഷോ കോളേജില്‍ എത്തുന്നില്ലെന്ന് രക്ഷിതാക്കള്‍ക്ക് കത്തയച്ച് മഹാരാജാസ് അധികൃതർ
എസ്എഫ്‌ഐ സംസ്ഥാന സെക്രട്ടറി പി എം ആര്‍ഷോ കോളേജില്‍ എത്തുന്നില്ലെന്ന് രക്ഷിതാക്കള്‍ക്ക് കത്തയച്ച് മഹാരാജാസ് അധികൃതര്‍.ആര്‍ക്കിയോളജി ഏഴാം സെമസ്റ്റര്‍ വിദ്യാര്‍ഥിയായ ആര്‍ഷോ ദീര്‍ഘനാളായി കോളജില്‍ ഹാജരാകാത്തതിനാലാണ് നടപടിയെടുത്തത്. കാരണം അറിയിച്ചില്ലെങ്കില്‍ കോളജില്‍ നിന്ന് പുറത്താക്കുമെന്നാണ് നോട്ടീസ് നല്‍കിയിരിക്കുന്നത്.
കോളേജില്‍ നിന്നും എക്സിറ്റ് എടുക്കും എന്നാണ് ആര്‍ഷോയുടെ വിശദീകരണം. ആറാം സെമസ്റ്ററില്‍ നിന്നും എക്സിറ്റ് എടുക്കും. ഇക്കാര്യം നേരത്തെ തന്നെ കോളേജ് അധികൃതരെ അറിയിച്ചതാണെന്നും ആര്‍ഷോ പ്രതികരിച്ചു.