Kerala
വീടിന് മുകളിലേക്ക് ലോറി മറിഞ്ഞ് വീണു, 4 പേർക്ക് പരിക്ക്
പത്തനംതിട്ട പന്തളത്ത് വീടിന് മുകളിലേക്ക് ലോറി മറിഞ്ഞ് വീണു. പന്തളം കൂരമ്പാലയിലാണ് വീടിന് മുകളിലേക്ക് നിയന്ത്രണം വിട്ട ലോറി മറിഞ്ഞത്. അപകടത്തിൽ 4 പേരെ ആശുപത്രിയിൽ പ്രവേശിപ്പിച്ചു. രാജേഷ് ,ദീപ, മീനാക്ഷി, മീര എന്നിവരാണ് വീട്ടിലുണ്ടായിരുന്നത്. മറിഞ്ഞത് ലോഡ് കയറ്റി വന്ന ലോറിയായതിനാൽ വീട് ഏകദേശം പൂർണമായി തകർന്ന നിലയിലാണ്.
റോഡിനോട് ചേർന്ന് അൽപം താഴ്ചയിലാണ് വീടുള്ളത്. റോഡിൽ നിന്ന് തെന്നിമാറിയ ലോറി നിയന്ത്രണംവിട്ട് വീടിന് മുകളിലേക്ക് മറിയുകയായിരുന്നു. സ്ഥിരമായി അപകടം നടക്കുന്ന പ്രദേശമാണിത്.