Kerala
വിരമിക്കാൻ നാല് ദിവസം മാത്രമുള്ളപ്പോൾ ഏമാൻ പടിക്ക് പുറത്ത്:ഗുണ്ടാ പാർട്ടിയിൽ പങ്കെടുത്ത ഡി വൈ എസ് പി യോട് കടക്ക് പുറത്തെന്ന് മുഖ്യമന്ത്രി
തിരുവനന്തപുരം: ഗുണ്ടാനേതാവ് തമ്മനം ഫൈസലിന്റെ വീട്ടിലെ പാര്‍ട്ടിയില്‍ പങ്കെടുത്ത ആലപ്പുഴ ക്രൈംബ്രാഞ്ച് ഡിവൈഎസ്‍പി എംജി സാബുവിനെ സസ്പെൻഡ് ചെയ്യാൻ മുഖ്യമന്ത്രിയുടെ നിര്‍ദേശം. നടപടി ഉടനുണ്ടാകുമെന്നാണ് സൂചന. ഈ മാസം 31ന് വിരമിക്കാനിരിക്കുന്ന ഉദ്യോഗസ്ഥനാണ് സാബു. പാര്‍ട്ടിയില്‍ പങ്കെടുത്ത രണ്ട് പൊലീസുകാര്‍ക്ക് നേരത്തെ തന്നെ സസ്പെൻഷൻ ലഭിച്ചിരുന്നു. ഒരു സിപിഒയെയും പൊലീസ് ഡ്രൈവറെയുമാണ് ആലപ്പുഴ എസ് പി സസ്പെന്റ് ചെയ്ത്. മൂന്നാമതൊരു പൊലീസുകാരൻ കൂടി പാര്‍ട്ടിയില്‍ പങ്കെടുത്തിരുന്നു.
ഇദ്ദേഹംവിജിലൻസില്‍ നിന്നുള്ളയാളാണ്. ഇദ്ദേഹത്തെയും അല്‍പസമയം മുമ്പ് സസ്പെൻഡ് ചെയ്തു. തമ്മനം ഫൈസലിന്റെ അങ്കമാലിയിലുള്ള വീട്ടില്‍ നടന്ന പാര്‍ട്ടിയിലാണ് എംജി സാബുവും മൂന്ന് പൊലീസുകാരും പങ്കെടുത്തത്. ഗുണ്ടകളെ അമർച്ച ചെയ്യാനുള്ള റെയ്ഡിന്റെ ഭാഗമായി ഫൈസലിന്റെ വീട്ടിൽ എത്തിയ അങ്കമാലി എസ്ഐയും സംഘവും പൊലീസുകാരെ കണ്ടതോടെയാണ് സംഭവം വെളിച്ചത്താകുന്നത്.
എന്നാല്‍ പാര്‍ട്ടി വിവരം വിവാദമായതോടെ പരസ്പരം പഴി ചാരുന്ന നിലപാടാണ് ഡിവൈഎസ്പിയും പൊലീസുകാരും എടുത്തത്. വിരുന്നിന് കൊണ്ടുപോയത് ഡിവൈഎസ്പിയാണെന്ന് പൊലീസുകാരും തിരിച്ച് പൊലീസുകാരാണ് തന്നെ കൊണ്ടുപോയതെന്ന് ഡിവൈഎസ്പിയും ആരോപിക്കുകയായിരുന്നു.
വിരമിക്കാൻ നാല് ദിവസം മാത്രമുള്ളപ്പോൾ ഏമാൻ പടിക്ക് പുറത്ത്:ഗുണ്ടാ പാർട്ടിയിൽ പങ്കെടുത്ത ഡി വൈ എസ് പി യോട് കടക്ക് പുറത്തെന്ന് മുഖ്യമന്ത്രി