Kerala
തേയില തോട്ടത്തിന്റെ സർവ്വേയുമായി ബന്ധപ്പെട്ട ജോലി ചെയ്തുകൊണ്ടിരുന്ന തൊഴിലാളി കാട്ടുപോത്തിന്റെ ആക്രമണത്തിൽ കൊല്ലപ്പെട്ടു
മലക്കപ്പാറ: വാൽപ്പാറയിൽ കാട്ടുപോത്തിന്റെ ആക്രമണത്തിൽ തോട്ടം തൊഴിലാളി മരിച്ചു. അപ്പർ ഷോളയാർ മുരുകാലി എസ്റ്റേറ്റിൽ ഷക്കൽ മുടിക്ക് സമീപം താമസിക്കുന്ന രാജീവിന്റെ മകൻ അരുൺ (51) ആണ് വെള്ളിയാഴ്ച രാവിലെ 9 മണിയോടുകൂടി കൊല്ലപ്പെട്ടത്.
തേയില തോട്ടത്തിലെ ജോലിക്കാരനായ അരുണിനെ വെള്ളിയാഴ്ച മാനേജ്മെന്റ് തേയില തോട്ടത്തിന്റെ സർവ്വേയുമായി ബന്ധപ്പെട്ട ജോലി ഏൽപ്പിക്കുകയായിരുന്നു. ഈ ജോലി ചെയ്യുന്നതിനിടയിലാണ് തേയില തോട്ടത്തിൽ കിടക്കുകയായിരുന്നു കാട്ടുപോത്ത് അരുണിനെ ആക്രമിച്ചത്.
കൂടെയുണ്ടായിരുന്ന ജോലിക്കാർ ബഹളം വെച്ചതിനെ തുടർന്ന് കാട്ടുപോത്ത് തേയില തോട്ടത്തിൽ നിന്നും ഓടിമറയുകയായിരുന്നു. ഉടനെ അരുണിനെ വാൽപ്പാറ ആശുപത്രിയിൽ എത്തിച്ചെങ്കിലും മരണം സംഭവിച്ചു ഈ മേഖലയിൽ വന്യമൃഗങ്ങളുടെ ആക്രമണത്തിന് തോട്ടം തൊഴിലാളികൾ ഇരയാകുന്നുണ്ട്. ഭാര്യയും രണ്ടു കുട്ടികളും അടങ്ങുന്നതാണ് അരുണിന്റെ കുടുംബം .