Kerala
ചേലക്കരയിൽ രമ്യ ഹരിദാസ് ചേലയുടുത്താൽ രാഷ്ട്രീയ ചിത്രം മാറും;പാലക്കാട്ട് കൃഷ്ണകുമാർ ഓടകുഴൽ മീട്ടിയാൽ കേരളത്തിന്റെ സമവാക്യങ്ങൾ മാറും
ചേലക്കരയിൽ രമ്യ ഹരിദാസ് ചേലയുടുത്താൽ രാഷ്ട്രീയ ചിത്രം മാറും;പാലക്കാട്ട് കൃഷ്ണകുമാർ ഓടകുഴൽ മീട്ടിയാൽ കേരളത്തിന്റെ സമവാക്യങ്ങൾ മാറും .രാഷ്ട്രീയ കേരളം ഉറ്റുനോക്കുന്ന ഉപതെര‍ഞ്ഞെടുപ്പ് ഫലം ഇന്ന്. വയനാട് ലോക്സഭാ മണ്ഡലത്തിലെയും പാലക്കാട്, ചേലക്കര നിയമലഭാ മണ്ഡലങ്ങളിലെയും അവസാനവട്ട കണക്കുകൂട്ടലുകളും പൂർത്തിയാക്കിയ മുന്നണികൾ ഫലത്തിനായുള്ള കാത്തിരിപ്പിലാണ്. ഇന്ന് രാവിലെ എട്ട് മണിക്കാണ് വോട്ടെണ്ണൽ തുടങ്ങുക. ഒൻപത് മണിയോടെ ആദ്യ ഫല സൂചനകൾ പുറത്തുവരും. 10 മണിയോടെ വിജയികൾ ആരെന്നതിൽ ഏതാണ്ട് വ്യക്തതയുണ്ടാകും.
ഭരണവിരുദ്ധവികാരമുണ്ടെന്ന് വിശ്വസിക്കുന്ന യുഡിഎഫ്, സമകാലിക രാഷ്ട്രീയ വിവാദങ്ങളുടെ പശ്ചാത്തലത്തില്‍ മൂന്ന് മണ്ഡലങ്ങളിലും ജയിക്കാനാകുമെന്ന ആത്മവിശ്വാസത്തിലാണ്. പോളിങ് കുറഞ്ഞ വയനാട്ടില്‍ അട്ടിമറിയൊന്നും പ്രതീക്ഷിക്കപ്പെടുന്നില്ല. പ്രിയങ്ക ഗാന്ധിയുടെ ഭൂരിപക്ഷം നാല് ലക്ഷത്തിൽ കുറയില്ലെന്ന് ആത്മവിശ്വാസത്തിലാണ് യുഡിഎഫ്. യുഡിഎഫിന്റെ ഭൂരിപക്ഷം ഗണ്യമായി കുറയുമെന്ന കണക്കുകൂട്ടലിലാണ് ഇടതുപക്ഷം. മണ്ഡലത്തിലെ ഏറ്റവും മെച്ചപ്പെട്ട വോട്ട് ഇത്തവണ നേടുമെന്നാണ് എൻഡിഎ ക്യാമ്പിന്‍റെ പ്രതീക്ഷ
ചേലക്കര നിലനിർത്തുന്നതിനൊപ്പം പാലക്കാട് മുന്നേറ്റമുണ്ടാകുമെന്ന പ്രതീക്ഷയിലാണ് ഇടതുമുന്നണി. ഇടത് കോട്ടയായ ചേലക്കരയിൽ ഇത്തവണ യുഡിഎഫ് ജയിച്ചാല്‍ സര്‍ക്കാരിന് കനത്ത തിരിച്ചടിയാകും. ജയം തുടര്‍ന്നാല്‍ എൽഡിഎഫിന് പിടിച്ച് നിൽക്കാം.വോട്ട് കൂട്ടിയാല്‍ ബിജെപിക്ക് പറഞ്ഞുനില്‍ക്കാം.ഭരണ വിരുദ്ധ വികാരമുണ്ടെന്നതിലാണ് യു ഡി എഫിന്റെയും ,ബിജെപി യുടെയും പ്രതീക്ഷ.ഉപ തെരെഞ്ഞെടുപ്പ് കഴിഞ്ഞാൽ വൈദ്യുതി ചാർജ് വർദ്ധിപ്പിക്കുമെന്ന് ഭരണക്കാർ തന്നെ പറഞ്ഞിട്ടുള്ളതും വോട്ടർമാർ തിരിച്ചറിയും .
ചേലക്കരയിൽ രമ്യാ ഹരിദാസ് വിജയിച്ചാലും .പാലക്കാട് കൃഷ്ണകുമാർ വിജയിച്ചാലും അത് കേരളാ രാഷ്ട്രീയത്തിൽ ദൂരവ്യാപക പ്രതികിഫലനങ്ങൾ സൃഷ്ട്ടിക്കും .പാലക്കാട്ടെ സുപ്രഭാതം ;സിറാജ് പത്രങ്ങളിലെ പരസ്യം നൽകിയതിനെ ചൊല്ലി സിപിഐ കടുത്ത വിമർശനമാണ് ഉന്നയിച്ചിട്ടുള്ളത് .അവിടെ അട്ടിമറികൾ ഉണ്ടായാൽ സിപിഐ സ്വരം കടുപ്പിക്കുമെന്നുള്ള കാര്യത്തിൽ സംശയമില്ല .