Kerala
പാലാ മാരത്തണിൽ 61 കാരൻ ബാബുവും ,വനിതാ വിഭാഗത്തിൽ 51 കാരി ലവ് ലിയും ജേതാക്കളായി
പാലാ: പ്രൊഫസർ സിസിലിയാമ്മ മെമ്മോറിയൽ ട്രസ്റ്റിൻ്റെയും ,വേൾഡ് മലയാളി കൗൺസിലിൻ്റെയും ആഭിമുഖ്യത്തിലുള്ള മിനി മാരത്തോൺ മത്സരത്തിൽ തൃശൂർ സ്വദേശി ബാബു ജോസഫ് (63) പുരുഷ വിഭാഗത്തിലും ,ചാലക്കുടി സ്വദേശി ലവ് ലി ജോസഫ്(51) വനിതാ വിഭാഗത്തിലും ജേതാക്കളായി.
പുരുഷ വിഭാഗത്തിൽ ത്രിശൂർ വില്ലടം സ്വദേശി റിട്ടയേർഡ് എസ്.ഐ ആയ ബാബു ജോസഫ് (61 വയസ്) ഒന്നാം സ്ഥാനം കരസ്ഥമാക്കി. വിരമിക്കുമ്പോൾ ഇദ്ദേഹം തൃശൂർ എസ്.ഐ ആയിരുന്നു.
വെറ്ററൻസ് മീറ്റിൽ 800 ,1500 ,5000 ,10000 മീറ്ററുകളിലെ സമ്മാന ജേതാവാണ് .വനിതാ വിഭാഗത്തിൽ ചാലക്കുടി സ്വദേശി 51 വയസുകാരി ലവ് ലി ജോസഫ് ഒന്നാം സ്ഥാനം നേടി.രണ്ട് മക്കളുള്ള ഇവർ ഡാൻസ് ട്രെയിൻ ആണ്. 31 വയസുള്ള മൂത്ത മകൻ ഫുട്ബോൾ കളിക്കാരനാണ്.
വിജയികൾക്കുള്ള സമ്മാനദാനം പാലാ ഡി.വൈ.എസ്.പി കെ സദൻ നിർവ്വഹിച്ചു.പാലാ മുൻസിപ്പൽ സ്റ്റേഡിയത്തിൽ നിന്നും ചെയർമാൻ ഷാജു തുരുത്തൻ ഫ്ളാഗ് ഓഫ് ചെയ്ത മാരത്തൺ അൽഫോൻസാ കോളേജ് ചുറ്റി സ്റ്റേഡിയം ജംഗ്ഷനിൽ സമാപിക്കുകയായിരുന്നു.
അഡ്വ.സന്തോഷ് മണർകാട് ,അബ്ദുള്ള ഖാൻ ;പ്രശാന്ത് വള്ളിച്ചിറ ,ബെന്നി മൈലാടൂർ ,സതീഷ് മണർകാട് തുടങ്ങിയവരായിരുന്നു സംഘാടകർ