Kerala
അൻവറിന്റെ അരിശം തീരുന്നില്ല :പാലക്കാടും ;ചേലക്കരയിലും ഡിഎംകെ ക്ക് സ്ഥാനാർത്ഥികൾ;വയനാട് സ്ഥാനാർത്ഥിയില്ല
കൊച്ചി: പാലക്കാടും ചേലക്കരയിലും ഡെമോക്രാറ്റിക് മൂവ്‌മെന്റ് ഓഫ് കേരള പിന്തുണയ്ക്കുന്ന സ്വതന്ത്ര സ്ഥാനാർത്ഥികളെ മത്സരരംഗത്ത് ഇറക്കുമെന്ന് പിവി അൻവർ എംഎൽഎ. വയനാട്ടിൽ സ്ഥാനാർത്ഥിയെ നിർത്തില്ല. എന്നാൽ, അവിടെ ആരെ പിന്തുണയ്ക്കണമെന്ന് പിന്നീട് തീരുമാനിക്കുമെന്നും പിവി അൻവർ പറഞ്ഞു.
ഒരു അടിസ്ഥാനവുമില്ലാത്ത അന്വേഷണ റിപ്പോർട്ടാണ് ഇന്ന് നിയമസഭയിൽ വെച്ചതെന്നും പിവി അൻവർ പറഞ്ഞു. സ്വർണക്കടത്തിൽ തൻ്റെ ആരോപണങ്ങളിൽ ഒരു അന്വേഷണവും നടന്നിട്ടില്ല. സ്വർണക്കടത്തിലെ പൊലീസ് പങ്കിനെ കുറിച്ച് തുറന്നു പറഞ്ഞവരിൽ നിന്നു പോലും അന്വേഷണം നടത്തിയിട്ടില്ല. അതിനെ ചോദ്യം ചെയ്യാൻ ശേഷിയുള്ളവരായി ഒരാളും ഈ നാട്ടിലില്ലാതായിരിക്കുന്നു.
ഭരണപക്ഷവും പ്രതിപക്ഷവും ബിജെപിയും ആർഎസ്എസും തുടങ്ങിയിട്ടുള്ള ഈ സ്റ്റേറ്റ് ലീഡർഷിപ്പിൻ്റെ പ്രബലമായ ഒരു വിഭാഗം ഒറ്റക്കെട്ടായി നിൽക്കുന്നു. ഒരാൾക്കും നീതി ലഭിക്കില്ല. കേരളത്തിലെ ജനങ്ങൾ നവംബർ 13ന് ഇതിനെതിരെ വിധിയെഴുതുമെന്നും അൻവർ പറഞ്ഞു.