Kerala
ബലാത്സംഗം ചെയ്തയാൾക്കെതിരെ നടപടി സ്വീകരിക്കാത്തതിനെ തുടർന്ന് പൊതുമധ്യത്തിൽ വസ്ത്രം ഊരി പ്രതിഷേധിച്ച് ഇരുപതുകാരി
തന്നെ ബലാത്സംഗം ചെയ്തയാൾക്കെതിരെ നടപടി സ്വീകരിക്കാത്തതിനെ തുടർന്ന് പൊതുമധ്യത്തിൽ വസ്ത്രം ഊരി പ്രതിഷേധിച്ച് ഇരുപതുകാരി. പരാതി നൽകി ഇരുപത് ദിവസത്തോളമായിട്ടും യുപി പൊലീസ് പ്രതിയെ പിടികൂടാതിരിക്കുകയും അന്വേഷണത്തിൽ പുരോഗതിയില്ലാതിരിക്കുകയും ചെയ്തതിൽ മനംനൊന്താണ് യുവതിയുടെ പ്രവൃത്തി. യുവതിയുടെ പ്രതിഷേധത്തിന് പിന്നാലെ പ്രതിയെ പൊലീസ് അറസ്റ്റ് ചെയ്തു.
ബലാത്സംഗത്തിനും തുടർന്നുള്ള സംഭവങ്ങൾക്കും പിന്നാലെ മാനസിക പ്രയാസങ്ങൾ നേരിടുന്ന യുവതിയെ ആശുപത്രിയിൽ പ്രവേശിപ്പിച്ചിരിക്കുകയാണ്. ജമ്മുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്‌നോളജിയിൽ എംടെക് വിദ്യാർത്ഥിയായ 22കാരനാണ് പ്രതി. ഉത്തർപ്രദേശിലെ ഗാസിപൂർ സ്വദേശിയാണ് ഇയാള്‍.ഓഗസ്റ്റ് പത്തിനായിരുന്നു കേസിനാസ്പദമായ സംഭവം. ഓടുന്ന കാറിൽ വെച്ച് പ്രതി യുവതിയെ ബലാത്സംഗം ചെയ്യുകയായിരുന്നു.