Kerala
കുടക്കച്ചിറയിൽ പാറമടയിലെ വാഹനങ്ങൾ ഓടി റോഡ് തന്നെ ഇല്ലെന്നായി ;തകർന്ന റോഡിൽ പിക്കപ്പ് വാൻ നിയന്ത്രണം വിട്ടു മറിഞ്ഞു ഒരാൾക്ക് പരിക്ക്
കോട്ടയം :പാലാ :കുടക്കച്ചിറയിൽ പാറമട മാഫിയായുടെ വാഹനങ്ങൾ ഓടി റോഡ് തന്നെ ഇല്ലെന്നായി ;തകർന്ന റോഡിൽ പിക്കപ്പ് വാൻ നിയന്ത്രണം വിട്ടു മറിഞ്ഞു ഒരാൾക്ക് പരിക്ക് .ഇന്നുച്ചയോടെയാണ് പാഴ്തടികൾ കയറ്റിയ പിക്കപ്പ് കുഴികളിൽ ചാടി നിയന്ത്രണം വിട്ട് മറിഞ്ഞത്.ഒരു പിക്കപ്പ് ജീവനക്കാരന് പരിക്കേറ്റിട്ടുണ്ട് .
ഇക്കഴിഞ്ഞ ആഗസ്റ്റ് പതിനഞ്ചാം തീയതി പാറമടക്കെതിരെ ജനകീയ പ്രതിഷേധം ഉയർന്നിരുന്നു.സ്വാതന്ത്ര്യ ദിനത്തിൽ നടന്ന ഉപവാസ പ്രാർത്ഥനാ സമരത്തിൽ നൂറു കണക്കിന് നാട്ടുകാരും പങ്കെടുത്തിരുന്നു .എന്നിട്ടും അധികാരികൾ അനങ്ങിയിട്ടില്ല .ഈക്കഴിഞ്ഞ ദിവസം ഒരു സ്വകാര്യ ചാനൽ വന്ന് നാട്ടുകാർക്ക് ഈ പാറമട മൂലമുള്ള ദുരിതങ്ങൾ റിപ്പോർട്ട് ചെയ്തിരുന്നത് പാറമട ലോബിയെ പ്രകോപിതരാക്കുകയും നാട്ടുകാരുമായി വാക്കേറ്റം ഉണ്ടാവുകയും ചെയ്തിരുന്നു.
വാഹനാപകടമുണ്ടായത് ജനപ്രതിനിധിയെ വിളിച്ചറിയിച്ചപ്പോൾ ഞാൻ മൂവാറ്റുപുഴയിലിനെന്നായിരുന്നു മറുപടി .സ്വാതന്ത്ര്യ ദിനത്തിൽ നടന്ന ഉപവാസ സമരത്തിലും പങ്കെടുക്കാതെ പാറമട മാഫിയയ്ക്ക് വേണ്ടി വാദിക്കുന്ന ജനപ്രതിനിധികൾ ജനാധിപത്യത്തിന് തന്നെ അപമാനമാണെന്നും പാറമട വിരുദ്ധ സമിതിയഗംങ്ങൾ പറഞ്ഞു .